حنرتكب اثام واحنا مش داريانين

mero803 · رقم المشاركة : [1] 03-25-2008, 09:31 PM

بسم الله الرحمن الرحيم

احب مبدئياً احيي الجميع واشكرهم على دخول الموضوع والاهتمام

كما احيي واهنيء كل من ساهم في انشاء هذا المنتدى

ولكن

ازاي يا جماعه يبقى فيه شات بين الاعضاء , بصراحه انا مش شايفه اي داعي لحدوث شات بين الاعضاء اللي عايز يسأل عن حاجه او يناقش حاجه او حتى يعترض على حاجه المنتدى مفتوح يعمل اللي هوه عايزه واللي عايز يتعرف على اصدقاء يبقى على مسئوليته الخاصه يحط اميله واللي عايز يتعرف يكلمه لكن ليه يبقى فيه شات مفتوح بين الاعضاء

كلنا عارفين البلاوي اللي بتحصل بين الولاد والبنات بسبب الشات وبتبقى ناس محترمين جداً بس الغلط بيجر غلط

ده مجرد كلام هوه يعني كان شافني ولا عرف حاجه عني وشويه شويه تبدأ تتعلق بيه وتبدأ التنازلات لحد الوصول لنقطة اللا رجعه

والله انا مش بشكك في اخلاق الاعضاء كلهم محترمين وكلهم على عيني وراسي

بس انا خايفه من حاجه والله بتحصل وغصب عن الولد قبل البنت

وبعدين تخيلوا معايا كده واحد راجع من الشغل لقى مراته قاعده عالجهاز يسألها بتعملي ايه ويا اما تكدب وتداري او حتقوله الحقيقه ويحصل مشاكل ( اصلي بكلم فلان) مين فلان ده عرفتيه منين وامتى بتقابلوا بعض ولا لسه وووووووو

ولا واحد يدخل على اخته ويلاقيها بتعمل شات مع واحد تخيلوا ممكن يعمل ايه مهما كانت الثقه بينهم

يا جماعه العيار اللي ميصيبشي يدوش

مفيش داعي لكده

وهل مؤسسي المنتدى على استعداد لتحمل الاثام الناتجه عن حدوث شات بين الجنسين ولا حيراقبوا الشات

انا مش متشدده والله بس قريت كتير وكلنا قرينا وسمعنا عن البلاوي اللي بتحصل من الشات

وخدوا الفتوى دي

أنا فتاة مسلمة وأقوم بالدخول على "البالتوك" ثم إلى الغرف الإسلامية حتى أحصِّلَ شيئا من العلم الشرعي . وعندما أكون في تلك الغرف ، يحدث أحيانا أن يطلب أحد المسلمين (وهو يبحث عن زوجة) أن نتحادث شخصيا (عن طريق التشات) ليتعرف كل منا على الآخر . وقد طرح علي بعض الأسئلة وهي من قبيل : أين أقيم ، وعمري ، وما إذا كنت متزوجة (بالمناسبة فأنا غير متزوجة) ، وما إذا كنت أعتزم الزواج ، وما إذا كنت أقيم مع أهلي ، وما إلى ذلك .
ومشكلتي هي أني لا أعرف إن كان يجوز لي شرعا أن أقدم مثل تلك المعلومات المتعلقة بي لمسلم من غير محارمي . هل التحدث كتابة مع شاب يعد معصية حقاً ؟؟.

لا حرج على المرأة المسلمة في الاستفادة من الإنترنت ، ودخول موقع " البالتوك " لهذا الغرض ، ما لم يؤد ذلك إلى محذور شرعي ، كالمحادثة الخاصة مع الرجال ، وذلك لما يترتب على هذه المحادثات من تساهل في الحديث يدعو إلى الإعجاب والافتتان غالبا ، ولهذا فإن الواجب هو الحزم والابتعاد عن ذلك ، ابتغاء مرضاة الله ، وحذرا من عقابه .

وكم جَرَّت هذه المحادثات على أهلها من شر وبلاء ، حتى أوقعتهم في عشق وهيام ، وقادت بعضهم إلى ما هو أعظم من ذلك ، والشيطان يخيل للطرفين من أوصاف الطرف الآخر ما يوقعهما به في التعلق المفسد للقلب المفسد لأمور الدنيا والدين .

وقد سدت الشريعة كل الأبواب المفضية إلى الفتنة ، ولذلك حرمت الخضوع بالقول ، ومنعت الخلوة بين الرجل والمرأة الأجنبية ، ولا شك أن هذه المحادثات الخاصة لا تعتبر خلوة لأمن الإنسان من إطلاع الآخر عليه ، غير أنها من أعظم أسباب الفتنة كما هو مشاهد ومعلوم .

فاتق الله تعالى ، وامتنعي عن محادثة الرجال الأجانب ، فذلك هو الأسلم لدينك ، والأطهر لقلبك ، واعلمي أن الزواج بالرجل الصالح منة ونعمة من الله تعالى ، وما كانت النعم لتنال بالمعصية .

وقد سئل الشيخ ابن جبرين حفظه الله : ما حكم المراسلة بين الشبان والشابات علما بأن هذه المراسلة خالية من الفسق والعشق والغرام ؟

فأجاب :

( لا يجوز لأي إنسان أن يراسل امرأة أجنبية عنه ؛ لما في ذلك من فتنة ، وقد يظن المراسل أنه ليست هناك فتنة ، ولكن لا يزال به الشيطان حتى يغريه بها ، ويغريها به. وقد أمر صلى الله عليه وسلم من سمع بالدجال أن يبتعد عنه ، وأخبر أن الرجل قد يأتيه وهو مؤمن ولكن لا يزال به الدجال حتى يفتنه.

ففي مراسلة الشبان للشابات فتنة عظيمة وخطر كبير يجب الابتعاد عنها وإن كان السائل يقول : إنه ليس فيها عشق ولا غرام ) انتهى ، نقلا عن : فتاوى المرأة ، جمع محمد المسند ، ص 96

ولاشك أن التخاطب عبر الشات أبلغ أثرا وأعظم خطرا من المراسلة عن طريق البريد ، وفي كل شر .

ياريت تردوا عليا بالرفض او الموافقه على الكلام ونسمع وجهات نظر بعض ونحاول نقنع بعض

اسفه للتطويل وشكراً

ليلة القدر · 03-25-2008, 11:06 PM

اختى الفاضله احييكى اولا على طرح الموضوع

لكن من رايي ان كل واحد رقيب على نفسه وعلى تصرفاته وبعدين ما احنا ممكن نعمل تشات فى

حدود يعنى بمعنى اوضح للضروره اما اذا كانت المراسله لغرض التعرف والتهريج هو ده اللى غلط

وانا اعرف ان الشيطان بيدخل اذا كان فى قلب المسلم ثغره للغلط اما اذا كان ايمانه قوى فمهما
يحصل مش هيغلط فالتخاطب مع الناس المعروفين لدينا او العلماؤ اللى ممكن الاستفاده منهم
مش غلط وانا اعرف شيوخ كتير بيدخلو على تشات ويراسلو بعض النساء بغرض الفتاوى والتعليم
اما مشاكل الازواج بسبب التشات ده يرجع لعدم الثقه وياما بيحصل فى البيوت

وده رايى وارجو مكنش زعلت حد

mero803 · 03-26-2008, 10:23 AM

بسم الله الرحمن الرحيم

اولاً : شكراً على المشاركه

ثانياً : انا احترم كلامك جداً ولكن حتى لو كل واحد رقيب على نفسه انا قلت غصب عن الاتنين بيحصل انجذاب ويتبعه حب ويتبعه تنازلات وهكذا

وانا قلت ان الاتنين بيكونوا محترمين جداً بس كمان الواحد مش بيتحكم في قلبه غصب عنه بيحب وبينجذب للي قدامه

وبعدين الشات الاول بيبقى نقاش في مواضيع هامه وبعد كده لما بيعرفوا بعض بيبدأ التعارف ثم الكلام في المواضيع العاديه ثم التهريج ثم المواضيع الخاصه

واللي عايز يسأل في فتوى او يسأل شيخ مفيش اكتر من المنتديات الدينيه وعن طريق موضوع مفتوح علشان حتى اللي عنده نفس المشكله يستفيد من حلها

انا شايفه ان الباب اللي يجيلك منه الريح سده واستريح

شكراً على المشاركه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
1.3 مليار خسائر يو بي أس السويسري	sofadent	اخر خبر	0	08-04-2009 04:55 PM
بوادر اتفاق بين يو بي أس وأميركا	Ahmed_Elrawy	اخر خبر	0	07-31-2009 11:13 PM
لايص وفلحوص سؤال مش محتاج اجابة	جياد الخير	حلقة نقاش	3	08-10-2008 03:36 AM
رمسيس الثاني رع مس	mostafa magdy	من عبق التاريخ	5	03-19-2008 09:02 PM

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق